Me qenë prind

Ka oferta të shumta për nëna dha baballarë të cilët duan të shkëmbejnë përvoja me prindërit e tjerë apo që duan me fëmijën e tyre të marrin pjesë në aktivitete të ndryshme. Disa oferta janë ekstra të koncipuara ashtu që prindërit zviceran dhe ata të huaj të mund të lidhin kontakte.

• Për fëmijët e vegjël që nga 3 vjeç deri sa të vijojnë parafillorin në shumë komuna ka grupe lojrash (Spielgruppen), ku edhe prindërit mund të bien në kontakt me njëri tjetrin. Gimnastika prindër-fëmijë-gjimnastikë (MuKi-/VaKi-/ElKi-turnen) ofron lojë, kënaqësi dhe lëvizje për prindër me fëmijët e tyre të vegjël. Gjimnastika ofrohet në shumicën e komunave.
• Bibliotekat kanë oferta për fëmijët e vegjël dhe më të rritur dhe prindërit e tyre.

Ia vlenë gjithsesi, që të njoftoheni te komuna e vendbanimit mbi ofertat e ndryshme rajonale.

Në kantonin Glarus prindërit munden të vijojnë kurse për tema të ndryshme. Ekzistojnë kurse të cilat posaçërisht i marrin në konsideratë nevojat e migrantëve. Kështu ka për shembull kurse për sistemin shkollor të Zvicrës. Disa kurse ofrohen edhe në gjuhë të huaja. Lidhur me ofertat mund të informoheni në webfaqen e internetit " Elternbildung Glarus", shkolla ose Komunën e vendbanimit.

Kush ka pyetje për edukim të fëmijëve, mundet të drejtohet pranë zyrave të ndryshme për këshillim. Më tej ju ofron ndihmë shoqata për këshillimin e nënave dhe baballarëve (Mütter-und Väterberatung). Ajo poashtu ju përgjigjet pyetjeve në lidhje me përkujdesin ndaj foshnjave. Në raste urgjente specialistët i këshillojnë prindërit përmes telefonit ose E-Mailit (Telefon 0848 35 45 55 (tarifa sipas linjës fikse), www.elternnotruf.ch).