Shtatzënësia / Lindja

Shërbimet medicinale në lidhje me shtatzënësinë dhe lindjen mbulohen nga sigurimi shëndetësor bazë (Grundversicherung). Këtu bëjnë pjesë kontrollat e rregullta para lindjes, lindja vetë dhe përkujdesja e nevojshme pas saj. Gratë shtatzëna duhet me kohë të drejtohen te mjeku ose mamia. Spitalet dhe mamit ofrojnë edhe kurse për parapërgaditjen e lindjes (Geburtsvorbereitungskurse). Ka edhe kurse speciale për migrantët. Lindja mund të bëhet në spital, në një shtëpi lindjeje ose në shtëpi.

Në Zvicër është e zakonshme që mbas lindjes prindërve t'iu ipen këshilla. Për këtë ka zyra për këshillimin e nënave dhe baballarëve (Mütter und Väterberatungsstelle). Këto zyra ofrojnë informata për zhvillimin, ushqimin dhe përkujdesjen ndaj foshnjes. Këshillimet janë falas. Për kontrollat e mëtejshme të nevojshme për nënën dhe foshnjen ju informojnë mjeku ose mamia. Është shumë e rëndësishme, që fëmija më s`voni tre muaj pas lindjes të sigurohet kundër sëmundjeve dhe aksidentit (sigurimi bazë, sigurimi ndaj aksident). Më s`miri është që kjo të bëhet që para lindjes.

Është e preferueshme, që fëmijët me kohë të vaksinohen kundër disa sëmundjeve. Vaksinimi nuk është i detyrueshëm. Shpenzimet për vaksinimet e propozuara, sipas rregullit, i merr sigurimi shëndetësor bazë. Mjekja e fëmijëve ose zyra për këshillimin e nënave dhe baballarëve ju informojnë për vaksinim.

Në Zvicër është e lejuar ndërprerja e shtatzënësisë në tre muajt e parë të shtatzënësisë. Pas mbarimit të javës së 12-të të shtatzënësisë aborti është i mundshëm vetëm atëherë kur rrezikohet shëndeti fizik apo psiqik i gruas. Vlerësimin e kësaj duhet patjetër ta bëj mjeku. Kush e mendon ta ndërpres shtatzënësinë, ka të drejtë për këshillim falas. Gratë e reja nën moshën16 vjeçare duhet të drejtohen për këshillim pranë zyrës së specializuar. Shpenzimet për të gjitha shërbimet mjekësore mbulohen prej sigurimit shëndetësor bazë.