Shtazët shtëpiake

Kush jeton në një banesë me qira, në asnjë rast nuk guxon të mbajë shtazë të vogla si derra Indie, vidhëza, kanarina apo peshq. Mirëpo mundet me qenë që edhe mbajtja e shtazëve më të mëdha (edhe macet apo qenët e vegjël) është e ndaluar në kontratën e qirasë. Qiradhënësi mund t'i ndalojë edhe shtazët të cilat shkaktojnë zhurmë apo janë të rrezikshme. Përveç kësaj mbajtësit e shtazëve janë të detyruar ta respektojnë ligjin për mbrojtjen e kafshëve. Kështu për hembull nuk lejohet që disa shtazë të mbahen të vetmuara (p.sh. lepujt). Po ashtu ekzistojnë kriteret minimale për madhësinë e kafazit dhe paisjen e tij. Shumë shtazë (shtazët eksotike) fare nuk guxojnë të futen në Zvicër. Për shtazët tjera nevojitet leja speciale nga zyra e veterinarisë.

Në Kantonin Glarus ka ligj special për qenët. Aty është e përcaktuar cilat detyrime i kanë mbajtësit e qenëve. Më shumë informata mund t'iu japë veterinari apo veterinarja.

• Të gjithë qenët në Zvicër duhet të pajisen me një mikroçip dhe të regjistrohen në bankën e të dhënave. Qeni e merr një letërnjoftim për qenë (formati i kartelës për kredi). Ky nuk është identik me letërnjoftimin e vendit të shtazëve, i cili nevojitet nëse udhëton me shtazë në vendet e unionit evropian.
• Qentë duhet të lajmërohen në komunën e vendbanimit. Komunat mund të vendosin taksa për qentë. Për mbajtjen e çdo qeni duhet të lidhet edhe sigurimi i dëmshpërblimit (Haftpflichtversicherung).
• Të gjithë mbajtësit e qenëve duhet ta mbledhin jashtëqitjen e qenit të tyre dhe ta largojnë atë. Kush nuk e bënë këtë mund të gjobitet.
• Për disa rasa të qenëve nevojitet leja speciale (p.sh. Pitbull apo Rottweiler).