Sjellja e familjes

Parimisht ekziston mundësia që edhe antarët e familjes (të afërmit e drejtëpërdrejtë ose bashkëshorti /tja) të personit i cili jeton këtu të vendosen në Zvicër (sjellja e familjes, Familiennachzug). Se për cilët antarë të familjes mund të aplikohet, mvaret prej shtetësisë dhe lejes së qëndrimit të aplikuesit të kërkesës. Edhe personat me pranim të përkohshëm (letërnjoftimi F) munden, mvarësisht nga rrethanat, ta sjellin familjen e tyre. Sekcioni Kantonal i Migrimit (Abteilung Migration) vendos për kërkesën dhe jep informata për dokumentet e nevojshme dhe rrjedhën e saktë të procedurës. Kujdes: Sjellja e familjes duhet të kërkohet mbrenda një afati të caktuar. Ky te fëmijët është më i shkurtër se sa te personat e rriturr (p.sh. bashkëshortja/bashkëshorti).

Kush banon në Zvicër dhe dëshiron ta martoj një partnere apo partner nga jashtë vendit, mundet për atë ta shtrojë kërkesën për hyrje në Zvicër për të parapërgaditur të martesën ( Vorbereitung der Heirat). Kjo leje ia mundëson partneres ose partnerit që para martesës të udhëtoj për në Zvicër dhe të martohet këtu. Sekcioni i Migrimit i Kantonit (Abteilung Migration) vendos për kërkesën dhe jep informata për dokumentet e nevojshme dhe rrjedhën e saktë të procedurës.

Për banorët e shumë vendeve nuk është e thjeshtë për të marrë vizë hyrëse për në Zvicër, për shembull për të vizituar të afërmit. Mundet me qenë, që prej personave të cilët jetojnë këtu të kërkohet të dërgojnë ftesë me shkrim dhe të japin ganci financiare (Verpflichtungserklärung). Përfaqësia Zvicerane jashtë vendit vendos për kërkesën dhe jep informata për dokumentet e nevojshme dhe rrjedhën e saktë të procedurës. Informatat mund të merren edhe pranë Sekcionit Kantonal të Migrimit .

Abteilung Migration
Postgasse 29
8750 Glarus
055 646 68 90
migration@gl.ch