Partneriteti

Format e bashkëjetesës në deceniet e kaluara në Zvicër kanë ndryshuar shumë. Shpesh jetojnë sëbashku çifte të pamartuara (Konkubinat) dhe kanë poashtu fëmijë të përbashkët. Ndarje të roleve në mes partnerëve (burrë/grua) nuk ka. Edhe partneritetet e gjinisë së njëjtë janë të akceptueshme dhe të pranuara me ligj.

Në Zvicër duhet të jeni 18 vjeç që të lejohet martesa. Edhe çiftet e gjinisë së njëjtë mund të martohen. Kush dëshiron të martohet duhet të paraçitet te zyra e gjendjes civile (Zivilstandsamt) të Kantonit Glarus. Zyra e gjendjes civile e inicon procedurën për parapërgaditjen e martesës. Me këtë verifikohet aftësia e partnerëve për martesë. Pas përmbylljes të parapërgatitjeve, martesa duhet të kryhet mbrenda 3 muajve. Zyra Civile përgjegjëse ju informon saktësisht për procedurën dhe dokumentet e nevojshme. Nëse ndonjëri prej personave ende jeton jashtë vendit, mundet të shtrohet kërkesë për hyrje në Zvicër për ta përgaditur martesën. Nëse dyshohet për një martesë të rreme (Scheinehe) zyra e gjendjes civile mund ta refuzojë krorëzimin. Në këtë rast, edhe një martesë e lidhur ligjërisht mund të shpallet e pavlefshme ose të tërhiqet leja e qëndrimit.

Bashkëshortët sipas ligjit i kanë të njëjtat të drejta dhe detyrime dhe janë të barabartë në martesë. Të dy partnerët bashkëshortor duhet të martohen me vullnet të lirë. Nëse autoritetet e kuptojnë se dikush është detyruar të martohet (Zwangsheirat) munden ta shpallin martesën të pavlefshme dhe ta dënojnë atë i cili e ka bërë detyrimin. Kush ndihet se është detyruar të martohet do të duhej të kërkoj ndihmë. Për këtë është vënë në dispozicion numri i telefonit pa pagesë (0800 800 007) nga Zyra për mbrojtjen nga martesa e detyruar (Beratungsstelle zwangsheirat.ch).

Në rast pyetjesh për planifikimin familjar, shtatzënësinë dhe seksualitetin, në Kantonin Glarus ekzistojnë zyrat e specializuar. Këto zyra ju informojnë në besueshmëri dhe falas në lidhje me temat si mbrojtja nga shtatzënësia, problemet seksuale, shtatzënësia e padëshiruar apo sëmundjet gjenitale. Ato i këshillojnë edhe prindërit e ardhshëm dhe personat të cilët kanë fëmijë.

Shkurorëzimi mundet të kërkohet prej të dy bashkëshortëve sëbashku apo edhe vetëm prej njërit bashkëshort. Përgjegjëse është Gjykata e Kantonit (Kantonsgericht) Glarus. Edhe martesat të cilat janë lidhë jashtë vendit munden të shkurorëzohen sipas të drejtës Zvicerane. Për këtë duhet që jeta e juaj të zhvillohet në Zvicër dhe më sëpaku qe një vit ta keni vendbanimin këtu. Shkurorëzimi mund të ketë ndikim ndaj lejës së qëndrimit ose ndaj procedurës për marrjen e nënshtetësisë. Se a munden personat e huaj të rrinë në Zvicër mbas shkurorëzimit, mvaret prej shumë faktorëve. Për viktimat e dhunës familjare vlejnë rregulla të posaҫme. Për informata në lidhje me shkurorëzimin mundeni të drejtoheni te ndonjë Zyrë për këshilla martesore dhe familjare apo zyrën për këshilla ligjore.