Marrja e banesës me qira

Sipas rregullit qiradhënësi e lidhë me shkrim kontraten e qirasë me qiramarrësit. Madje është e mundur që kontrata të lidhet gojarisht. Mirëpo kjo nuk preferohet. Në çdo rast për kontratat e qirasë vlejnë minimalisht të drejat dhe detyrimet ligjore, të cilat janë të shënuara në të drejtën e detyrueshme (Obligationenrecht).

Kryesisht qirja përbëhet nga qiraja neto dhe shpenzimet shtesë (nxemja, uji i ngrohët etj, Nebenkosten). Lejohet të kërkohen vetëm shpenzimet shtesë të cilat janë të numëruara në kontratën e qirasë. Sipas rregullit qiraja duhet të paguhet paraprakisht çdo muaj. Qiradhënësit i lejohet ta rris qiranë vetëm në raste të argumentuara. Ai duhet ta paralajmëroj me kohë ngritjen e qirasë me anë të formularit zyrtarë. Nëse ngritja konsiderohet se është e paarsyeshme, mundeni mbrenda 30 ditëve të drejtoheni te autoritetet ndërmjetësuese të Kantonit (Schlichtungsbehörde). Përpos qirasë qiradhënësi mundet të kërkoj edhe depozitë (Kaution) shuma e të cilës mund të jetë maksimalisht sa qiraja tremujore. Kjo kthehet prapa mbas shpërnguljes nga banesa. Në raste të caktuara, si qiramarrës mund të aplikoni te qiradhënësi përmes letrës lajmërim marrje (rekomande) për uljen e qirasë (Mietzinssenkung). Për shembull nëse baza e përllogaritjes ka ndryshuar ndjeshëm.

Kur të hyni në banesë patjetër duhet sëbashku me kontratën e qirasë të përpiloni listen e dëmtimeve (protokollin e pranimit të banesës, Wohnungsabnahmeprotokoll). Me këtë qiradhënësi dhe qiramarrësi i evidentojnë dëmet ekzistuese në banesë. Me këtë sigurohet që qiramarrësit nuk duhet ti paguajn dëmet e qiramarrësit të mëparshëm. Kush ka shtazë shtëpiake, duhet të njoftohet më herët se a lejohet mbajtja e tyre në banesë. Kujdes: Pas hyrjes në banesë mbrenda 2 javëve duhet të lajmëroheni në komunen e re.

Dëmet e vogla në banesë duhet që qiramarrësit t`i paguajnë vetë. (p.sh. zorra e dushit apo mbajtësja e sapunit). Te dëmet më të mëdha shpenzimet i merr qiradhënësi. Nëse qiramarrësit i kanë shkaktuar vetë dëmet, mvarësisht nga situata, duhet t'i paguajn vetë. Për këto raste nevojitet sigurim personal me detyrim dëmshpërblimi. Nëse diçka prishet ose dëshironi të ndërroni diçka në banesë (p.sh ti ngjyrosni muret) do të duhej ta kontaktoni qiradhënësin. Nëse ka dëmtim të madh në banesë (shembull nxemja ose lavatriqja e prishur, shumë zhurmë nga punimet ndërtuese etj), keni të drejtë për zbritjen e qirasë derisa të mënjanohet defekti.

Qiramarrësit duhet me kohë ta anulojnë kontratën e paafatizuar të qirasë të banesës së tyre. Zakonisht afati është tre mujorë, në Kantonin e Glarus anulimi i kontratës mund të bëhet në fund të çdo muaji. Zakonisht anulimi bëhet në fund të muajit (përveç me 31. Dhjetor). Terminet dhe afatet e anulimit zakonisht janë të rregulluara në kontratën e qirasë. Njoftimi i anulimit duhet t'i arrijë qiradhënësit në kohën e duhur. Jo më vonë se një ditë para fillimit të afatit të anulimit (Kündigungsfrist). Këshillohet që letrën e anulimit ta dërgoni me postë lajmërim marrje (Einschreiben). Te banesat afati i anulimit të kontratës është 3 muaj. Nëse qiradhënësi e anulon kontraten ai detyrimisht duhet ta përdorë formularin zyrtarë. Si qiramarrës keni 30 ditë kohë për t'iu drejtuar autoriteteve për ndëmjetësim.