Sistemi Arsimor

Sistemi arsimor Zviceran karakterizohet nga ajo se ai përherë e mundëson një zhvillimin të mëtutjeshëm personal. Një vend me vlerë të posaçme ka arsimimi profesional. Kjo e ofron bazën për arsimim e mëtejm ose madje edhe për studim në universitete.

Organizimi / Përgjegjësitë

Në Zvicër bëhet dallimi në mes të tri niveleve të sistemit shkollor të vendosura njëra mbi tjetrën:

  • Shkolla obligative (Volksschule: Kindergarten, Primarschule und SekundarstufeI)
  • Arsimimi bazë profesional ose shkolla e mesme (Sekundarstufe II)
  • Shkollat e larta/ universitetet dhe arsimimi i lartë profesional (Tertiärstufe)

Për të tre nivelet përgjegjës është shteti, detyrat dhe përgjegjësitë janë të ndara mes Federatës, Kantoneve dhe Komunave. Për këtë arsye shkollat dhe sistemet shkollore mund të kenë dallim në mes të Kantoneve.

Dokumente

Sistemi i arsimimit në Kantonin Glarus (DE)

Detyrimi shkollor

Shkolla obligative në Kantonin Glarus zgjatë 11 vjet. Kjo fillon, kur fëmija t`i mbush 4 vjet. Në qoftë se fëmijët pa arsye dhe pa arsyetim nuk e vijojnë shkollën, prindërit e tyre mund të gjobiten. Të rinjët e sapoardhur (sapovendosur) deri në moshën 16 vjeçare e kanë të drejtën për vijimin e shkollës obligative. Të rinjët të cilët vinë më vonë, mund të informohen për mundësitë e tjera pranë zyrës për këshilla profesionale Glarus (Berufs- und Laufbahnberatung Glarus).

Link

Qendra për informim profesional Glarus (BIZ) (DE)

Arsimimi pas shkollimit obligativ

Pas shkollimit obligativ pothuajse të gjithë të rinjët e kryejn një arsimim tjetër. Shumë shpesh të rinjët vendosin ta vijojnë shkollimin profesion bazë (Berufslehre). Kjo më vonë ofron qasjen në arsimimin e lartë. Kushdo që përgjatë shkollimit bazë ose mbas kryerjes së shkollimit bazë e kryen maturën profesionale (Berufsmaturität) ose maturën e specializuar (Fachmaturität), mundet më vonë ta vijoj shkollën e lartë (Fachhochschule). Përafërsisht 20 përqind e të rinjve e kryej gjimnazin (gymnasiale Maturität) i cili e jep të drejtën për të studiuar në universitet.

Bursat

Me bursa (Stipendien) munden edhe personat me pak para ti vijojnë shkollat ose arsimimet profesionale. Bëhet fjalë për mbështetje financiare për shkollimet mbas shkollës obligative. Edhe të huajt të cilët jetojnë në Kantonin Glarus, sipas rrethanave, munden të përfitojnë nga bursat. Kjo mvaret prej përkatësisë shtetërore, lejeqëndrimit të nxënësit, të studentit ose të prindërve. Informata të tjera jep Zyra e Bursave (Stipendienstellle) e Administratës Kantonale.

Link

Bursat Kantoni Glarus / Kontakti dhe informatat (DE)