ኣብ ስዊዘርላንድ ግዱድ መርዓን ምኽንሻብ ደቂ ኣንስትዮን ክልኩል እዩ። ብዘይካ ካልኦት ፍሉያት ትካላት: ትካል ምኽሪ ግዳያት ውን ይሕግዝ እዩ።
ሓደ ሰብ ብጸቕጢ ስድርኡን ብዘይ ፍቓዱን እንተ ተመርዕዩ ግዱድ መርዓ ይበሃል። ብዘይ ድልየቱ ኣብ ሓዳር ክጸንሕ እንተድኣ ተገዲዱ፡ ግዱድ መርዓ ይበሃል። ኩሎም ሰባት ኣብ ሓዳር ክጸንሑ ድዮም ወይስ ክፈላለዩ ንኽውስኑ ምርጫ ኣለዎም። ኣብ ስዊዘርላንድ ግዱድ መርዓን ግዱድ ሓዳርን ክልኩል እዩ። ፖሊስ ኣብ ስዊዘርላንድ ብዛዕባ ግዱድ መርዓ እንተፈሊጦም፡ ስጉምቲ ክወስዱ ኣለዎም። መብዛሕትኡ ግዜ፡ ፖሊስ ብኡንብኡ ናይ ክሲ መስርሕ የበግስ። ዝምልከቶም ደቂ ኣንስትዮን፡ ደቂ ተባዕትዮን መንእሰያትን ኣብ ስዊዘርላንድ ሓዳሮም ከም ዘይሕጋዊ/ዘይቅቡል ክፍለጠሎም ዕድል ኣለዎም።
ኣብነታት ናይ ምግዳድ እዞም ዝስዕቡ እዮም፥ ብምፍርራሕ ምግዳድ፡ ስነ-ኣእምሮኣዊ ጸቕጥን ዓመጽን፡ ኣካላውን ዝኾነ ዓይነት ዓመጽን።
ሃገራዊ ክኢላ ትካል "zwangsheirat.ch" (ንግዱድ መርዓ ዝምልከት) ምስጢራውን ካብ ክፍሊት ነጻ ዝኾነን ምኽሪ ይህብ፥
ትካል ምኽሪ ግዳያት፡ ንግዳያት ዓመጽ፡ ኣዝማዶምን ናይ ቀረባ ሰባቶምን፡ ዕድሚኦምን ጾትኦምን ብዘየገድስ ኣገልግሎቱ የበርክት። ምስጢራውን ካብ ክፍሊት ነጻን ኮይኑ ምስ ተርጎምቲ ውን ይክኣል እዩ።
ምኽንሻብ ደቂ ኣንስትዮ ክብሃል ከሎ፡ ገለ ክፋል ብልዕቲ ደቂ ኣንስትዮ ይኽንሸብ ማለት እዩ። ዝተፈላለየ ዓይነት ምኽንሻብን ልምድታትን ኣሎ። ብዙሓት ዝተኸንሽባ ኣዋልድን ኣንስትን ብሰንኪ እቲ ምኽንሻብ ዝመጽእ መጉዳእትን ሳዕቤንን: ኣካላውን ስነ-ኣእምሮኣውን ስቓይ የጋጥመን።
ምኽንሻብ ደቂ ኣንስትዮ ኣብ ስዊዘርላንድ ክልኩል እዩ። ወለዲ፡ ካብ ስዊዘርላንድ ወጻኢ እውን ናይ ውላዶም ምኽንሻብ እንተ ኣዳልዮም፡ ገበን ይፍጽሙ ኣለዉ። ፖሊስ ብዛዕባ ምኽንሻብ ደቂ ኣንስትዮ እንተፈሊጦም: ስጉምቲ ክወስዱ ኣለዎም። ብኡንብኡ ናይ ክሲ መስርሕ የበግሱ።
ናይ ካሪታስ ሃገራዊ መርበብ ኣንጻር ምኽንሻብ ደቂ ኣንስትዮ (Netzwerk gegen Mädchenbeschneidung) ሓበሬታ ይህብ ከምኡውን ምስ ኣገደስቲ ሰባት (Schlüsselpersonen) የራኽብ። ካሪታስ ስዊዘርላንድ (Caritas Schweiz) ንዝምልከቶም ስድራቤታት ነጻን ምስጢራውን ምኽሪ ይህብ፥
ሃገራዊ ወሃቢ ኣገልግሎት ኣንጻር ምኽንሻብ ደቂ ኣንስትዮ ምብራቓዊ ስዊዘርላንድን ሊክተንሽታይንን ብነጻ ምኽርን ደገፍን ይህብ፥
ትካል ምኽሪ ግዳያት: ንግዳያት ዓመጽ፡ ኣዝማዶምን ናይ ቀረባ ሰባቶምን፡ ዕድሚኦምን ጾትኦምን ብዘየገድስ ኣገልግሎቱ የበርክት። ምስጢራውን ካብ ክፍሊት ነጻን ኮይኑ ምስ ተርጎምትን ውን ይክኣል እዩ።
