ጾታዊ ዓመጽ ሓደ ዓይነት ዘቤታዊ ዓመጽ እዩ። ጾታዊ ዓመጽ ኣብ መጻምድን ስድራቤትን እውን የጋጥም እዩ። ክልኩል እዩ። ናብ ፖሊስ ክኽሰስ ይኽእል እዩ። ግዳይ ዝኾነት ሰበይቲ ወይ ጓል ንሓንቲ ጓል ኣንስተይቲ ፖሊስ ብዛዕባ እቲ ዓመጽ ክትነግራ ትኽእል። ግዳይ ዝኾነ ወዲ ተባዕታይ ንሓደ ወዲ ተባዕታይ ፖሊስ ብዛዕባ እቲ ዓመጽ ክነግሮ ይኽእል። ኣብ መብዛሕትኦም ጉዳያት ናይ ጾታዊ ዓመጽ፡ ፖሊስ መስርሕ ናይ ክሲ ክኸፍት ኣለዎ። ዋላ ናብ ፖሊስ ክኸስስ ዘይደሊ ሰብ፡ ድሕሪ እቲ ጾታዊ መጥቃዕቲ ብዝተኻእለ መጠን ቀልጢፉ ሕክምናዊ መርመራ ክገብር ይግባእ።
ካንቶናዊ ሆስፒታል ግላሩስ ምስጢራዊ ሕክምናታት ይገብር። ድሕሪ ጾታዊ ዓመጽ፡ መርትዖታት ብፍሉይ መንገዲ ክዕቀቡ ይኽእሉ። እቲ/እታ ሓኪም ኩሉ ብሚስጢር ክሕዞ/ክትሕዞ ይግደድ/ትገዳድ እዩ/እያ፤ ብዘይ ፍቓድ ናይቲ ዝምልከቶ ሰብ ንዝኾነ ሰብ ኣይሕብርን እዩ/ኣይትሕብርን እያ። እቲ/እታ ሓኪም ምስ ኣገልግሎታት ደገፍ ግዳያት ከራኽብ/ክተራኽብ ይኽእል/ኽእል እዩ/እያ።
ትካላት ደገፍን ምኽርን ግዳያት፡ ሕጋውን ስነ-ኣእምሮኣውን ደገፍ ክህባ ይኽእላ እየን። መልሲ ናይ ብዙሕ ሕቶታት ኣለወን። ኣብዚ ሓገዝ ክትረኽቡ ትኽእሉ ኢኹም።
ፖሊስ ንጾታዊ ዓመጽ ኣብ ዝምልከት ክስታት ተመኩሮ ኣለዎም። እቲ ቃለ-መሕትት ምስቲ ከሳሲ ሓደ ዓይነት ጾታ ብዘለዎ ሰብ እዩ ዝካየድ። እቲ ክሲ ኣብ መደበር ፖሊስ ክቐርብ ይኽእል። ትኣምኖ ሰብ ወይ በዓል ሞያ ሰራሕተኛ ትካል ደገፍቲ ግዳያት ምሳኻ ሒዝካ ክትከይድ ይክኣል እዩ።
ካብ ናይ ስራሕ ሰዓታት ወጻኢ ተሌፎን 117 ብምድዋል ንፖሊስ ክትረኽቡ ትኽእሉ።
ትካል ምኽሪ ግዳያት ካንቶን ግላሩስ / ርክብን ሓበሬታን (DE)
