መሰል መንበሪ

ብምኽንያት ሓዳር ኣብ ስዊዘርላንድ ዝነብር ሓደ ሰብ፡ ዘቤታዊ ዓመጽ እንተ ኣጋጢምዎ፡ ከከም ኩነታቱ ድሕሪ ምፍልላይ እውን እብ ስዊዘርላንድ ምንባር ክቕጽል ይኽእል እዩ። ኩሉ ኩነታት ዝተፈላለየ እዩ። ስለዚ ምኽሪ ምሕታት ኣገዳሲ እዩ።

ትካል ምኽሪ ግዳያት ክሕግዝ ይኽእል እዩ፥ ሞያዊ ክኢላ ነቲ ህሉው ኩነታት ድሕሪ ምግላጽ: ነቲ ዝምልከቶ ሰብ ኣብ ዝቕጽል ስጉምትታቱ ይሕግዞ። ምስ ካልኦት ናይ ምኽሪ ትካላት ከራኽብ ይኽእል። እቲ ናይ ምኽሪ ኣገልግሎት ካብ ክፍሊት ነጻን ምስጢራዊን እዩ። ዝትርጉምልኩም ምስ ትደልዩ ይክኣል እዩ።

• ትካል ምኽሪ ግዳያት ካንቶን ግላሩስ: ቴለፎን 055 646 67 36

ዓመጽ ከም ዝተፈጸመ መርትዖ ክህሉ ኣገዳሲ እዩ። ንኣብነት፥ ስእሊ ናይ መጉዳእቲ፡ ስክሪን ሾት ናይ ምፍርራሓት ወይ ጸርፍታት ኣብ ዋትስኣፕ: ፌስቡክ: ወዘተ። እቲ መርትዖታት ኣብ ውሑስ ቦታ ክቕመጥ ይግባእ። ንኣብነት ምስ መሓዛ ወይ ኣብ ስራሕ።

ኣብ ከባቢኻ ዝርከቡ ገለ ሰባት ውን ብዛዕባ እቲ ዓመጽ ክፈልጡ ጽቡቕ እዩ። ንኣብነት ጎረቤት ወይ መሳርሕቲ።